അഭിജിത്ത് മുഹൂര്‍ത്തം

ശുഭ  കര്‍മ്മങ്ങള്‍ആരംഭിക്കുന്നതിനുള്ള  ദോഷരഹിതമായ സമയത്തെയാണ്  മുഹൂര്‍ത്തം എന്നത് കൊണ്ട് ഉദ്ദേശിക്കുന്നത്. പകലും രാത്രിയുമായി ആകെ 30 മുഹൂര്‍ത്തങ്ങള്‍ആണുള്ളത്. പകലും രാത്രിയും 15 വീ തം. ഒരു മുഹൂര്‍ത്തം സാമാന്യമായി 2 നാഴിക ( 48 മിനിറ്റ്) സമയം വരും. ശുഭ മുഹൂര്‍ത്തത്തില്‍     ചെയ്യുന്ന ക്രിയക്ക് പൂര്‍ണ ഫലം ലഭിക്കുമെന്നാണ് അഭിജ്ഞ മതം.

മുഹൂര്‍ത്തത്തില്‍  'ശലാകാവേധം' മുതലായവ നിര്‍ണയിക്കേണ്ട അവസരങ്ങളില്‍  അഭിജിത്തിനെ കണക്കാക്കുന്നു.

നാം ഒരു  കര്‍മ്മത്തിനായി നിശ്ചയിക്കുന്ന ദിവസം മറ്റു യാതൊരു തരത്തിലും മുഹൂര്‍ത്തം ലഭ്യമല്ല എന്ന് വന്നാല്‍ 'അഭിജിത്ത് മുഹൂര്‍ത്തം' കണക്കാക്കി ആ സമയത്ത് ക്രിയ ചെയ്യാവുന്നതാണ്. പകല്‍സമയത്തെ    8 -ആം മുഹൂര്‍ത്തമായ  അഭിജിത്ത്  സകല ദോഷങ്ങള്‍ക്കും അതീതമെന്ന് കല്പിച്ചിരിക്കുന്നു. 
"അഭിജിന്നാമ മധ്യാഹ്നെ മുഹൂര്തോ വൈഷ്ണവ സ്മൃതാത് ;
ചക്രമാദായ   ഭഗവാന്‍ വിഷ്ണുര്‍ദോഷാന്‍ വ്യപോഹതി"

എന്ന് വാക്യവും ഉണ്ട് .
ദിന മാനമാനുസരിച്ചു അഭിജിത്ത് മുഹൂര്‍ത്തം ആരംഭിക്കുന്ന സമയത്തിലും മുഹൂര്‍ത്തത്തിന്റെ ദൈര്‍ഘ്യത്തിലും വ്യത്യാസം വരാം. ആയതിനാല്‍ഇത് കൃത്യമായി കണക്കാക്കേണ്ടി  വരും.  ബുധനാഴ്ച അഭിജിത്ത് മുഹൂര്‍ത്തം എടുക്കാന്‍ പാടില്ല. മധ്യാഹ്നം വരുന്ന  സമയത്തിന്റെ മുന്നിലും പിന്നിലും 10 വിനാഴിക പ്രധാന കര്‍മ്മത്തിന് ഒഴിവാക്കുന്നത് നന്ന്.