നിലവിളക്ക് ദേവന്റെ ശരീരം തന്നെയാണ്. പൂജയില്‍ ഷഡാധാര ശരീരത്തിനുള്ള ഉപചാരങ്ങള്‍ വിളക്കിന് നല്കാറുണ്ട്.
നിലവിളക്കില്‍ എത്ര തിരികള്‍ വേണം? എങ്ങോട്ട് തിരിച്ചാണ് ദീപം തെളിയിക്കേണ്ടത്?
ഒന്ന്, രണ്ട്, മൂന്ന്, നാല്, അഞ്ച്, ആറ്, ഏഴ് ഇങ്ങനെ തിരികളുടെ സംഖ്യ. ഇതിന്റെ ഫലം ഇവയാണ്
"ഏകവര്‍ത്തിര്‍മ്മഹാവ്യാധിര്‍ ദ്വിവര്‍ത്തിസ്തു മഹദ്ധനം;
ത്രിവര്‍ത്തിര്‍മ്മോഹമാലസ്യം, ചതുര്‍വ്വര്‍ത്തിര്‍ദ്ദരിദ്രതാ;
പഞ്ചവര്‍ത്തിസ്തു ഭദ്രം സ്യാ ദ്വിവര്‍ത്തിസ്തു സുശോഭനം"
അതായത് ഒരു നാളം അനാരോഗ്യം, രണ്ടു നാളം ക്ഷേമം, ഐശ്വര്യം, മൂന്നു നാളം ആലസ്യം, നാല് നാളം ദാരിദ്ര്യം, അഞ്ചു നാളം ശുഭത്വം , ഏഴു നാളം ഏറ്റവും ശോഭനം .
ദീപം വീട്ടില്‍ എല്ലാവര്ക്കും സസ്യ- മൃഗാദികള്‍ക്കും കാണിക്കണം. കൈ കാല്‍ മുഖം കഴുകി ഭസ്മം ധരിച്ചു മുഷിയാത്ത വസ്ത്രം ധരിച്ചു വേണം വിളക്ക് തെളിക്കാന്‍. സന്ധ്യാദീപം ദര്‍ശിക്കുന്നത് വടക്ക്, കിഴക്ക് ഭാഗങ്ങളില്‍ നിന്നാണെങ്കില്‍ ഉത്തമവും പടിഞ്ഞാറ്, തെക്ക് ഭാഗങ്ങളില്‍ നിന്ന് അശുഭമെന്നും പറയപ്പെടുന്നു.
ഒരിക്കലും ദീപം എണ്ണ വറ്റി കരിന്തിരി കത്താന്‍ ഇടയാകരുത്. നിശ്ചിത മുഹൂര്‍ത്തം കഴിഞ്ഞാല്‍ ദീപം കെടുത്താം. പുഷ്പദലം കൊണ്ട് ചെയ്യുന്നത് ഉത്തമം. വസ്ത്രം കൊണ്ട് സാധാരണം, കൈ വീശി കെടുത്തുന്നത് മധ്യമം, ഊതി കെടുത്തുന്നത് അധമം.
No comments:
Post a Comment